kraamaat@gmail.com
+ +92 333-430-6384


قومی ٹیم دا انگلینڈ خلاف سیریز جتنا بہت اؤکھا: سعید اجمل……٭رویل نیوز٭


نمائندا رویل June 30, 2020


لاہور (نمایندا رویل) پاکستانی کرکٹ ٹیم دے پچھلے لیجنڈ سپنر سعید اجمل دا کہنا اے کہ قومی ٹیم دا انگلینڈ خلاف سیریز جتنا بہت مشکل لگدا اے‘ شائقین دے بغیر کرکٹ بور ہو جاوے گی ایس لئی شائقین نُوں سٹیڈیم وچ آن دی اجازت دِینی چاہیدی اے۔ یاد رہوے کہ ”دوسرا‘ کرن والے سپنر سعید اجمل نے 25 ٹیسٹ‘ 113 ون ڈے تے 64 ٹی 20 انٹرنیشنل وچ پاکستان دی نمایندگی کیتی جد کہ اوہناں نے 2014 وچ سری لنکا خلاف آخری ٹیسٹ میچ کھیڈیا تے 2015 وچ آخری وار وکھائی دِتے۔نجی ٹی وی نال گلبات کردیاں ہویاں سعید اجمل نے کہیا کہ کھڈاری میدان وچ واپس آ رہے نیں جو چنگی گل اے‘ ایس حوالے توں کرکٹ منتظمین تے آئی ی سی نے وی ایہو سوچیا ہووے گا کہ موجودا حالات وچ اینی دیر رُکیا نہیں جا سکدا تے کرکٹ دیاں وی سرگرمیاں شروع ہونیاں چاہیدیاں نیں۔