اعتماد ای کسے وی رشتے دی مضبوط بنیاد ہوندا اے: ریماخان ……٭رویل نیوز٭

لاہور(نمایندا رویل)فلمسٹار ریما خان نے آکھیا کہ اعتماد کسے وی رشتے وچ مضبوطی دی بنیاد ہوندا اے۔ جے بڈھی بندا اک دوجے نوں نہ سمجھن تے اعتماد نہ کرن تے یقینن زندگی لنگھانا مشکل ہوجاندا اے۔ بندیاں نوں رب دی ذات نے وڈا دل دتا ہوندا اے۔ ریما خان نے آکھیا کہ انسان اپنے ضمیر نوں حسد دی الودگی توں بچائے تے ظاہری حسن خد بخود سوہنا ہوجاندا اے تے میرے خیال وچ انسان دی اندر دی خوبصورتی ظاہری حسن توں ودھ پر کشش ہوندی اے۔ اوہناں آکھیا میں ہمیشا مثبت سوچدی ہاں تے رب دی ذات اتے توکل رکھدی ہاں جہدا نتیجا وی مثبت ای نکلدا اے۔ اوہناں آکھیا فلم انڈسٹری دے حوالے نال سوچ وچار کردی ہاں تے میرے ذہن وچ جو وی چنگا آئیڈیا آوندا اے اوہنوں دوستاں نال شیئر کرنی ہاں۔