اپنے اندر برداشت پیدا کر کے ای چنگی قوم بنا  سکدے آں: ثانیہ سعید……٭رویل نیوز٭

لاہور (نمایندا رویل) سینئر اداکارا ثانیہ سعید نے کہیا اے کہ جے اسیں اپنے معاشرے توں عدم برداشت نُوں ختم کرنا اے تے سانوں دوجیاں دی بجائے اپنی تربیت کرنی پوے گی۔ اِک انٹرویو وچ اوہناں نے کہیا کہ سکول وچ بیس بال کھیڈدی سی تے میریاں کلاس فیلوز اج وی جدوں ملدیاں نیں تے مینوں کپتان کہندیاں نیں‘ میں بچیاں دیاں مختلف زباناں دیاں کتاباں دا ترجما کردی سی تے اوہناں نُوں رضا کارانا پڑھاندی وی رہی آں۔ ثانیہ سعید نے کہیا کہ میں بہت غصے والی آں تے میں اپنے والد نُوں کہندی سی میں اپنی ایس عادت نُوں کویں بدلاں جہدے اُتے اوہناں نے کہیا کہ تُسیں اپنے غصے دی عادت نُوں کیوں بدلنا چاہندے او‘ تُسیں ایس عادت نُوں بدلن دی بجائے ایہنوں استعمال کرو۔ ثانیہ سعید نے کہیا کہ جہڑا غصا ظلم تے زیادتی دے خلاف اے اوہ مقدس اے ایہنوں ضایع نہیں کرنا چاہیدا۔