کجھ لوک سوشل میڈیا اُتے افواہاں کھلاردے نیں،سوشل میڈیا دا ٹھیک استعمال ہونا چاہیدا اے: روبی انعم ……٭رویل نیوز٭

لاہور (نمایندا رویل) سینئر اداکارا روبی انعم نے کہیا اے کہ سوشل میڈیا اِک مؤثر ہتھیار اے جہدا مثبت استعمال ہونا چاہیدا اے‘ اِک انٹرویو وچ اوہناں دا کہنا سی کہ میرا یو ٹیوب چینل کامیابی نال چل رہیا اے‘ کئی لوک سوشل میڈیا اُتے نہ صرف غلط افواہاں کھلاردے نیں سگوں دوجیاں دیاں پگاں وی اُچھالیاں جاندیاں نیں جو انتہائی غلط اے۔ اوہناں نے کہیا کہ ہر کوئی سوشل میڈیا دا استعمال کر رہیا اے تے ایتھے ہون والی گل سیکنڈ ز وچ پوری دنیا وچ کھلر جاندی اے۔ اوہناں نے کہیا کہ سانوں سوشل میڈیا دے پلیٹ فارم دا مثبت استعمال کرنا چاہیدا اے۔ ایہدے راہیں معاشرے وچ شعور اجاگر کرن دیاں کاوشاں کیتیاں جان نہ کہ اسیں غلط افواہاں کھلارن دی بھیڑ چال دا حصا بن جائیے۔