اپوزیشن جماعتاں عوامی مفاد نہیں ذاتی مفادات دے تحفظ لئی کم کر رہیاں نیں:گورنر پنجاب ……٭رویل نیوز٭

لاہور (نمایندا رویل) گورنر پنجاب چودھری محمد سرور نے کہیا اے کہ حکومت تے اتحادی اِک پیج اُتے نیں پر اپوزیشن جماعتاں دا اپنا اپنا پیج اے۔ اپوزیشن پلان بناندی رہ جاوے گی تے حکومت اپنی آئینی مدت پوری کر لوے گی۔ ایہناں خیالاں دا اظہار اوہناں نے گورنر ہاؤ سوچ علاما آصف علوی دی قیادت وچ علماء کرام ت پارٹی وفداں نال گلبات کردیاں ہویاں کیتا۔ گورنر پنجاب نے کہیا کہ وزیراعظم عمران خان ورگا کوئی ہور لیڈر نہیں‘ 22 کروڑ پاکستانی اوہناں اُتے مکمل اعتماد کردے نیں۔ اوہناں نے کہیا کہ ریاستی ادارے مکمل ہم آہنگی دے نال ملک و قوم لئی رَل کے کم کر رہے نیں تے ملک نُوں درپیش چیلنجز نال نبڑ رہے نیں۔ اوہناں نے کہیا کہ ملکی ترقی تے خشحالی لئی حکومت تے اتحادی جماعتاں متحد نیں پر حکومت دے خلاف احتجاج دے وڈے وڈے دعوے کرن والیاں اپوزیشن جماعتاں عوامی مفاد نہیں ذاتی مفادات دے تحفظ لئی کم کر رہیاں نیں تے قوم دے ساہمنے ایہ اپوزیشن جماعتاں مکمل طور اُتے بے نقاب ہو چکیاں نیں۔ گورنر نے کہیا کہ انشاء اللہ اسیں ملک نُوں عدم استحکام دا شکار کرن دیاں کوششاں نُوں کامیاب نہیں ہون دواں گے تے ملک نُوں کامیابی نال اگے لے کے چلاں گے۔ گورنر پنجاب نے کہیا کہ کونا حالے ختم نہیں ہویا احتیاط لازم اے۔