kraamaat@gmail.com
+ +92 333-430-6384


  مندر دی اُساری  خلاف فیصلا محفوظ کر لیا گیا……٭رویل نیوز٭


نمائندا رویل July 07, 2020


اسلام آباد (نمایندا رویل) اسلام آباد ہائیکورٹ دے جسٹس عامر فاروق نے مندر دی اُساری دے خلاف دایر درخاستاں اُتے فریقین دے دلایل سنن دے بعد فیصلا محفوظ کر لیا۔ سنوائی دوران عدالت نے سی ڈی اے توں پُچھیا کہ پلاٹ کہڑی تھاں واقع اے تے کہڑے مقصد لئی استعمال ہووے گا؟ جہدے اُتے ڈائریکٹر اربن پلاننگ سی ڈی اے نے عدالت نُوں دَسیا کہ ایچ نائن ٹو وچ 2016 وچ پلاٹ دین دے حوالے توں کارروائی شروع ہوئی‘ مندر‘ کمیونٹی سنٹر یاں شمشان گاٹ لئی ایہ تھاں ہندو کمیونٹی نُوں الاٹ ہوئی جہدے اُتے جسٹس عامر فاروق نے پُچھیا کہ کیہ مندر دا نقشا آیا اے منظوری لئی یاں نہیں؟ جہدے اُتے سی ڈی اے اہلکار نے عدالت نُوں دَسیا کہ حالے پتا نہیں پر منظوری لئی آیا نہیں‘ وزارت مذہبی امور‘ سپیشل برانچ تے اسلام آباد انتظامیا دیاں تجویزاں دے بعد پلاٹ الاٹ کیا‘ ایسے پلاٹ دے نال عیسائی‘ قادیانی تے بدھ مت کمیونٹی لئی قبرستان دی تھاں الاٹ ہو چکی اے۔ 3.89 کنال تھاں 2017 وچ الاٹ کر کے 2018 وچ تھاں ہندو پنچایت دے حوالے کیتی‘ ڈپٹی اٹارنی جنرل راجا خالد محمود نے عدالت نُوں دَسیا کہ حکومت نے حالے تک مندر دی اُساری لئی کوئی فنڈنگ نہیں کیتی۔ درخاست گزار 10 کروڑ رُپئے دا کَہ رہے نیں پر حکومت نے حالے کوئی فنڈنگ نہیں کیتی‘ حکومت نے مندر لئی فنڈنگ دے معاملے اُتے اسلامی نظریاتی کونسل توں سفارشاں منگیاں نیں‘ دنیا وچ چنگا پیغام نہیں جا رہیا‘ آئین وی غیر مسلماں نُوں ایہدی اجازت دیندا اے‘ایس موقع اُتے جسٹس عامر فاروق نے ریمارکس دِتے کہ اسلامی نظریاتی کونسل نُوں معاملا حکومت نے گھل دِتا اے‘ درخاست گزار دے وکیل نے عدالت نُوں دَسیا کہ مندر دی اُساری تے فنڈنگ 2 وکھرے وکھرے مسئلے نیں‘ حکومت نہ فنڈنگ دے سکدی اے نہ مندر بنان دی منظوری دے سکدی اے‘ عدالت نے فریقین دے دلایل دے بعد فیصلا محفوظ کر لیا۔