کرونا وجوں معاشرا تبدیلی دے دور توں لنگھ رہیا اے: سدرہ  نور  ……٭رویل نیوز٭

لاہور (نمایندا رویل) فلم‘ ٹی وی تے سٹیج دی معروف اداکارا تے پرفارمر گلوکارا سدرہ نور نے کہیا اے کہ ساڈا معاشرا تبدیلی دے دور توں لنگھ رہیا اے تے ایہنوں مثبت سمت دین لئی ساریاں نُوں اپنا انفرادی تے اجتماعی کردار ادا کرنا پوے گا‘ ہُن ماپے بچیاں نُوں وی تعلیم دین اُتے توجا دے رہے نیں جو چنگی گل اے۔ اِک انٹرویو وچ سدرہ نور نے کہیا کہ ٹی وی‘ فلم تے تھیٹر میڈیا دی ای اِک شکل اے پر اسیں ایہدے توں اوس طرحاں فایدا نہیں چُک سکے جویں لوڑ سی۔ حکومت نُوں چاہیدا اے کہ معاشرے دی بہتری لئی چُکے جان والے اقدامات نُوں اوس پلیٹ فارم راہیں اجاگر کرے جہد ے نال لوکاں نُوں چھیتی اگاہی دِتی جا سکے تے ایہدے فوری نتیجے وی ملدے نیں۔