زندگی وچ کامیابی لئی ڈسپلن بہت ضروری اے: صوفیہ احمد ……٭رویل نیوز٭

لاہور (نمایندا رویل) سینئر اداکارا صوفیہ احمد نے کہیا اے کہ جے ماپے ڈسپلن تے قادیاں ضابطیاں دے پابند ہون گے تے بچے وی ایہدا مثبت اثر لین گے تے ایہ رجحان پورے خاندان وچ سرایت کردا اے۔ نجی میگزین نُوں دِتے گئے اِک انٹرویو وچ اوہناں نے کہیا کہ ڈسپلن دے حوالے توں ہمیشا آرمڈ فورساں دی مثال دیندی آں تے ایہو ڈسپلن ایس ادارے دی عزت تے مقام دی اصل وجھا اے۔ زندگی وچ ڈسپلن دا مظاہرا کرن والے بندے دوجے لوکاں دی نسبت بُہتے کامیاب ہوندے نیں‘ نہ صرف اپنی نجی زندگی سگوں شوبز وچ وی ڈسپلن تے قاعدیاں ضابطیاں دے مطابق چلدی ہووے کیوں جے ایہدے نال تہاڈی شخصیت دا مثبت پہلو اجاگر ہوندا اے۔