سبق "پچھلی پڑھائی " دے مُختصر سوال جواب ــــــــ٭ رویل ٭

س1۔فرخندہ لودھی دی پیدائش تے وفات بارے دسو؟

ج۔فرخندہ لودھی ہوریں 21 مارچ 1937ء نوں ہُشیار پوروچ پیدا ہوئے تے آپ دی وفات 5 مئی2010 نوں واپڈا ٹاؤن لاہور وچ ہوئی۔

س2۔فرخندہ لودھی ہوراں دیاں کہانیاں دیاں کہڑیاں کہڑیاں کِتاباں نیں؟

ج۔1۔چنّے دے اوہلے2۔ہِر دے وچ تڑیڑاں 3۔کیوں؟

س3۔آپ دے پنجابی ناول دا کیہ ناں اے؟

ج۔جَنڈ د ا ا نگیار

س4۔آپ نے اردو زبان وچ کہڑیاں کتاباں لکھیاں؟

ج۔حسرت عرض ِتمنا۔آرسی۔

س5۔فرخندہ لودھی دی کہانی ”پِچھلی پڑھائی“ وچ کِنے کردار نیں؟

ج۔چار

س6۔ماسٹر جی نوں گلی وچ وسدیاں کِنے ورھے ہو چُکے سن؟

ج۔ماسٹر جی نوں گلی وچ وسدیاں 25 ورھے ہو چُکے سن پر ماسٹر جی دی حالت نہیں سی بدلی۔

س7۔آپ دی کہانی ”پِچھلی پڑھائی“ کس کتاب وچوں لئی گئی اے؟

ج۔"چنّے دے اوہلے"

س8۔ماسٹر جی نوں بالاں تے کیوں غصا آندا؟

ج۔جدوں بالاں دا دھیان پڑھائی توں ہٹ کے اسمان اُپر اُڈدی گُڈی ول ہو جاندا تاں اوہناں نوں بہت غصا آندا۔

س9۔راجو کون سی؟

ج۔راجو اک چُوڑھی سی جو اوس گلی دی صفائی کردی جِتھے ماسٹر ہوریں بالاں نوں پڑھاندے سن۔

س10۔راجو جدوں گندیاں چھِٹاں ماسٹر جی ول اُڈاندی تاں اوہ اوہنوں کیوں نہ کجھ کہندے؟

ج۔ماسٹر جی ایس لئی نہیں سی کجھ کہندے کہ اوہناں کول راجو دے دو بال 20،20 رُپیاں تے پڑھدے سن تے جے اوہ سخت بولدے تاں راجو نے اپنے بالاں نوں ماسٹر جی کولوں اُٹھا لینا سی تے ماسٹر ہوراں نوں چالھی(40) رُپے دا نقصان ہونا سی۔

س11۔ماسٹر جی دے پیسے بارے کیہ وچار سن؟

ج۔"پیسہ پستول ہوندا اے تے اپنا لائسنس آپ۔ایس نوں سارے خون معاف ہوندے نیں۔"

س12۔لُنڈے مِستری دے پُت دا کیہ ناں سی؟

ج۔عنایت

س13۔لُنڈے مِستری دے پُت نے ماسٹر جی نوں کویں لاجواب کر دِتا؟

ج۔جدوں ماسٹر جی نے عنایت نوں کہیا کہ جے اوہ پڑھے گا تاں وڈا آدمی بن جاوے گا۔اوہ اگوں کہن لگا ماسٹر جی تسیں کیوں نہ وڈے آدمی بنے؟ تسیں ماسٹر جی ای او بس۔

س14۔عنایت کویں امیر بندا بن گیا؟

ج۔عنایت جوان ہویاں تاں اوس نے کباڑیے دا کم شروع کردِتا تے امیر ہو گیا۔دولت آون نال اوہدی ماں پہلے نالوں جوان تے سوہنی لگن لگ گئی۔

س15۔راجو جدوں اپنے نِکے مُنڈے نوں ماسٹر کول لے کے آندی اے تے کیہ کہندی اے؟

ج۔راجو بڑی آکڑ نال کہندی اے کہ لئو ماسٹر جی کیہ یاد کرو گے۔اساں اپنا اخیرلا بال وی تہاڈے کولوں ای پڑھانا اے۔

س16۔راجو دے پُتر باہرلے ملک وچوں کیہ شیواں گھلدے پئے سن؟

ج۔رنگین ٹی وی۔وی سی آر۔ٹیپ ریکارڈ۔بولن والے کھڈونے،ٹھنڈی الماری(فریزر)

س17۔راجو ماسٹر نوں نِکے بالاں دی فیس دے بجائے کیہ لارا لا رہی سی؟

ج۔راجو ماسٹر جی نوں اپنے وڈے پُتررفیق کولوں گھڑی منگوا کے دین دا لارا لا رہی سی۔جہڑی اوہناں نوں کدی وی نہیں مِلی۔

س18۔ایس کہانی وچ کیہ سبق دِتا گیا؟

ج۔ایس کہانی وچ دسیا گیا اے کہ سماج وچ علم دی ناقدری پاروں اُستاد دی کوئی عزت نہیں سبھ علم دی تھاں دولت نوں ای سلاماں کردے نیں۔

س19۔ماسٹر جی تے رفیق دی ملاقات بارے لکھو؟

ج۔راجو دا وڈا مُنڈا رفیق جدوں باہروں آیا تاں اوہ ماسٹر ہوراں کول آیا پہلاں تاں ماسٹر اوس دے پہناوے تے امیرانا رنگ ڈھنگ دی وجھا توں پچھان نہ سکے۔جدوں ماسٹر جی نے پچھانیا تاں اوہ اپنی گھڑی نوں ویکھدیاں ماسٹر جی کولوں اگانہ جاون دی اجازت لے کے ٹر گیا۔اوس ویلے ماسٹر جی نوں راجو دا گھڑی دا لارا چیتے آیا۔

س20۔ماسٹر جی دے شاگرد جوان ہو کے کیہ کردے سن؟

جواب:ماسٹر جی دے کئی شاگرد جوان ہو کے امیر کبیر ہو چکے سن تے اوہ ماسٹر جی کولوں انج لنگھ جاندے جویں اوہناں نوں سیہاندے ای نہ ہوون۔

س 21۔راجو نے گِلہ کردیاں ماسٹر جی نوں کیہ آکھیا؟

جواب:راجو نے آکھیا کہ بالاں نوں حالے تک لکھنا پڑھنا تاں آیا نہیں پر تسیں پرانے او ایس لئی پچھلی پڑھائی واسطے تہانوں ای چنگا سمجھدی آں۔