پنجاب وچ لوکائی نُوں آٹا سستا مِلیا نہ ای روٹی،20 کلو آٹے دے تھیلے دی قیمت اِک ہزار پنجاہ روپے رہی  ……٭رویل نیوز٭

لاہور (نمایندا رویل) پنجاب وچ حکومت تے فلور ملز ایسوسی ایشن دے وچکار معاملات طے ہون دے باوجود لوکائی نوں ریلیف نہ پہنچ سکیا۔ حکومتی دعویاں دے وعدیاں دے باوجود پنجاب وچ لوکائی نوں آٹا سستا مِلیا نہ ای روٹی سستی مل سکی۔ چیئرمین فلور مل ایسوسی ایشن دا کہنا اے کہ پنجاب وچ 9 جولائی توں دُکاناں اُتے آٹے دا 20 کلو دا تھیلا 860 رُپئے وچ دستیاب ہوسکے گا۔ اوہناں نے ہور کہیا کہ ایس ویلے 20 کلو آٹے دے تھیلے دی قیمت بدستور 1 ہزار 50 رُپئے اے۔ دوجے پاسے خیبر پختونخوا وچ وی آٹے دی قیمت وچ کمی نہیں ہو سکی سگوں آتے دی 85 کلو گرام دی بوری دی قیمت وچ 200 رُپئے دا وادھا ہو گیا اے۔