ساری فنی زندگی وچ صرف عزت کمائی اے: رمشا خان ……٭رویل نیوز٭

لاہور (نمایندا رویل) اداکارا تے ماڈل رمشا خان نے کہیا اے کہ میں اپنی ساری فنی زندگی وچ صرف عزت کمائی اے تے مینوں ایہدے اُتے فخر اے‘ کئی اداکاراں نے بھارت وچ جویں کم کیا‘ ساڈی ثقافت ایہدی اجازت نہیں دیندی۔ اِک انٹرویو وچ اوہناں نے کہیا کہ شوبز میرا اوڑھنا بچھونا اے تے ایس شعبے نال جنون دی حد تک لگاؤ اے۔ کوئی شوبز نُوں بُرا کہوے میں اوہنوں بلکل برداشت نہیں کردی تے اوہنوں کھریاں کھریاں سناون توں وی گریز نہیں کردی۔ سگوں اسیں لوک بُہتے حساس ہوندے آں‘ لوکاں دیاں خُشیاں لئی کئی ویلے دُکھی ہون دے باوجود اپنے چہریاں اُتے مسکراہٹ رکھدے آں۔ میں ہمیشا گھٹ پر معیاری کم نُوں ترجیح دِتی اے۔