kraamaat@gmail.com
+ +92 333-430-6384


غلط گل اُتے غصا آندا اے‘ دل ازاری نہیں کردی:  اداکاراثناء……٭رویل نیوز٭


نمائندا رویل July 08, 2020


لاہور (نمایندا رویل) اداکارا ثناء نے کہیا اے کہ ہمیشا ایہو کوشش ہوندی اے کہ میری وجھا توں کسے دی دل ازاری نہ ہووے‘ کسے دے نال نا انصافی ہوندی نہیں ویکھ سکدی تے ایہدے لئی اواز اُچی کردی آں۔ اِک انٹرویو وچ ثناء نے کہیا کہ غلط گل اُتے غصا آ جاندا اے پر کوشش ہوندی اے کہ میرے رویے نال کسے دا دل نہ دُکھے تے جے انج ہو وی جائے تے بڑی چھیتی اپنی اصلاح کر کے معافی منگ لیندی آں۔ ثناء نے کہیا کہ میرے مزاج وچ شامل اے کہ میں کسے دی ذاتی زندگی تے پروفیشنل معاملات وچ دخل اندازی نہیں کردی تے دوجیاں توں وی ایسے طرحاں دی توقع رکھدی آں۔ ساڈے ایتھے کئی لوکاں نُوں دوجیاں دے معاملات وچ لت اڑان دی عادت پئی ہوندی اے۔