kraamaat@gmail.com
+ +92 333-430-6384
نمائندا رویل
July 13, 2020
کراچی (نمایندا رویل) الائنس آف پرائیویٹ سکولز سندھ دے جنرل سیکریٹری تے پرائیویٹ سکول ایکشن کمیٹی دے نمایندے محمد حنیف جدون نے وفاقی وزیر تعلیم شفقت محمود دی صدارت وچ بین الصوبائی وزرائے تعلیم اجلاس وچ تعلیمی اداریاں نُوں ہور 2 مہینے بند رکھن دی تجویزدی سخت مذمت کردیاں ہویاں ایہنوں تعلیم دشمن اقدام متھ دِتا اے۔ اوہناں نے کہیا کہ وفاقی تے صوبائی حکومتاں کرونا دے ناں اُتے تعلیم دی مکمل تباہی تے بربادی لئی ہٹ دھرمی دے نال لک بنھ لیا اے۔ ملک وچ گھٹ ودھ ہر شعبا بشمول شاپنگ سینٹر‘ مارکیٹاں‘ ٹرانسپورٹ‘ پھَل تے سبزی منڈی‘ چھوٹیاں وڈیاں دُکاناں کھل چکیاں نیں پر تعلیمی ادارے نہیں کھولے جا رہے۔
