پنج وار آئین کہنے توڑیا؟ آئین توڑن والیاں خلاف گل کردا رہواں گا: جاویدہاشمی ……٭رویل نیوز٭

ملتان (نمایندا رویل) ملتان پولیس نے ریاستی اداریاں اُتے تنقید دے الزام وچ سینئر سیاستدان تے مسلم لیگ ن دے آگو مخدوم جاوید ہاشمی دے خلاف مقدما درج کر لیا اے۔ پولیس نے جاوید ہاشمی دے خلاف ملتان دے علاقے تھانا کینٹ وچ 647 نمبر مقدما درج کر کے ایف آئی آر نُوں سیل کر دِتا اے پولیس نے جاوید ہاشمی دی گرفتاری لئی سپیشل ٹیم بنا دِتی اے۔ ایس ایچ او تھانا کینٹ سنے پولیس دے اعلا حکام نے ایس حوالے توں مؤقف دین توں انکار کر دِتا اے۔ دوجے پاسے جاوید ہاشمی نے صحافیاں نال گلبات کردیاں ہویاں کہیا کہ میں کوئی غلط گل نہیں کیتی‘ 5 وار ملکی آئین کہنے توڑیا؟ آئین توڑن والیاں دے خلاف گل کردا رہواں گا‘ مینوں جیلاں وچ سُٹ دین‘ پر ضمانت نہیں کراواں گا۔