سوانیا ں نُوں لے کے شادی دا مطلب بلکل اُلٹ: صباء قمر ……٭رویل نیوز٭

لاہور (نمایندا رویل) اداکارا صباء قمر نے کہیا اے کہ ساڈے معاشرے وچ سوانیاں نُوں لے کے شادی دا مطلب بلکل اُلٹ اے۔ صباء قمر نے انسٹا گرام اُتے جاری کیتی گئی اِک ویڈیو وچ کہیا کہ اوہ اپنے لئی شادی کرنا چاہن گے نہ کہ کسے ہور لئی۔ اوہناں نے ہور کہیا کہ ساڈے معاشرے وچ سوانیاں نُوں لے کے شادی دا مطلب بلکل اُلٹ اے کیوں جے ساڈے معاشرے وچ مرد جنا وی بدکردار ہووے اوہ اِک با کردار گھروالی دا خاہشمند اے تے اوہنوں شریف ہون دے نال نال گھر تے نوکری کرن والی گھروالی وی چاہیدی اے جہڑی اوہدا کُٹ کٹئیاں وی برداشت کرے تے اوہدے نال زندگی وی لنگھائے۔ اوہناں نے ہور کہیا کہ اسیں اِک دُہرے معیاروالے معاشرے نال تعلق رکھدے آں۔