ستمبر دے پہلے ہفتے شادی ہال کھول دواں گیاوکڑاں دا احساس اے‘ ٹیکساں وچ ریلیف دواں گے:: صوبائی وزیر اسلم اقبال ـــــ ٭رویل نیوز٭

لاہور (نمایندا رویل) صوبائی وزیر صنعت تے تجارت میاں اسلم اقبال نال سر پرست اعلا پنجاب میرج ہال ایسوسی ایشن میاں محمد الیاس دی قیادت وچ وفد نے ملاقات کیتی۔ پنجاب سرمایا کاری بورڈ دے دفتر و چ ہون والی ملاقا ت دے دوران میرج ہالز دی بندش نال پیدا ہون والیاں اوکڑاں تے شادی ہالز کھولن دے امور اُتے گلبات کیتی گئی۔ صوبائی وزیر صنعت تے تجارت میاں اسلم اقبال نے کہیا کہ کرونا دی صورتحال دی بہتری دی صورت وچ ستمبر دے پہلے ہفتے وچ شادی ہال کھول دواں گے۔ اوہناں نے کہیا کہ کرونا دی وباء نال ہر شعبا متاثر ہویا‘ اللہ تعالیٰ دا شکر اے‘ صورتحال وچ بہتری آ رہی اے۔ صوبائی وزیر نے کہیا کہ میرج ہالز کھولن تے آؤٹ ڈور کیٹرنگ دی اجازت بارے چنگی خبر ملے گی۔