شوبز وچ آن بعد اصل رمزاں توں آگاہی حاصل ہوئی اے: اداکارا ماہ نور  ……٭رویل نیوز٭

لاہور (نمایندا رویل) نامور اداکارا ماہ نور نے کہیا اے کہ شوبز وچ آن دے بعد فن دے اصل رموز توں اگاہی حاصل ہوئی اے تے ایتھے آ کے بڑا کم سکھیا اے‘ اپنے ماضی اُتے نظر ماردی آں تے نویں آن والیاں دی رہنمائی دا جذبا بیدار ہوندا اے کیوں جے میں وی کدی ایس دور توں لنگھ چکی آں۔ اِک انٹرویو وچ ماہ نور نے کہیا کہ نچنا اِک فن اے تے ایہنوں باقاعدا سکھن دی ضرورت اے‘ اپنے فن راہیں اپنی پچھان بنائی اے تے مینوں ایہدے اُتے فخر اے۔ فن بارے کئی شیواں شوبز وچ آ کے سکھیاں نیں‘ ایس لئی میں نویں آن والیاں دی وی بھرویں رہنمائی کردی آں کیوں جے میں وی ایس ویلے توں لنگھ چُکی آں۔ اوہناں نے کہیا کہ شوبز وچ ناں کمان لئی بڑے پاپڑ ویلنے پیندے نیں۔