وسیم اکرم نے نسیم شاہ نُوں سبھ توں ودھیا کیوں مِتھیا

لاہور (نیوز دیسک) پچھلے کپتان وسیم اکرم نے نسیم شاہ نُوں بہترین دریافت متھدیاں ہویاں کہیا اے کہ نسیم شاہ پاکستان کرکٹ وچ چنگا وادھا ثابت ہون گے۔ اِک انٹرویو وچ وسیم اکرم دا کہنا سی کہ نوجوان پیسر نے آسٹریلیا وچ ٹور میچ کھیڈدیاں ہویاں گوڑھا تاثر چھڈیا‘ پاکستان وچ فرسٹ کلاس میچز وچ وی بہترین کمکاری دا مظاہرا کیتا تے اِک میچ وچ 9 شکار کیتے‘ اوہناں نے کہیا کہ جے کسے دے کول پیس دا ہتھیار اے‘ فرسٹ کلاس وچ وکٹاں وی حاصل کیتیاں ہون تے اوہ ٹیسٹ کرکٹ لئی تیار اے‘ میری تے وقار یونس دی کرکٹ دا اغاز وی 17 سال دی عمر وچ ہویا۔ وسیم اکرم دا کہنا سی کہ نسیم شاہ اپنی والدا دے انتقال دے باوجود آسٹریلیا توں واپس نہیں گئے‘ سارے اوہناں دے کھیڈ نُوں ویکھنا چاہندے سن۔