فنکاراں نُوں اپنے خیالاں دا اظہار کرن دیو: عائشہ عمر ……٭رویل نیوز٭

لاہور (نمایندا رویل) پاکستان فلم تے ٹی وی انڈسٹری دی معروف اداکارا عائشہ عمر نے سوشل میڈیا صارفین توں سوال کیتا اے کہ اپنے خیالاں دا اظہار کرن اُتے فنکاراں نال نفرت کیوں کیتی جاندی اے؟ عائشہ عمر نے فنکاراں اُتے تنقید کرن دے حوالے توں مائیکرو بلاگنگ سائٹ ٹویٹر اُتے ٹویٹ کردیاں ہویاں لکھیا کہ ’مینوں ایہ سمجھ نہیں آندا کہ کیوں سوشل میڈیا اُتے فنکاراں تے عوامی شخصیات نال بدتمیزی کیتی جاندی اے۔‘ اداکارا نے سوالیا انداز وچ لکھیا کہ ’کیوں فنکاراں نُوں اپنی رائے دا اظہار کرن تے اپنا مؤقف اختیار کرن اُتے شدید تنقید دا نشانا بنایا جاندا اے تے فیر سوشل میڈیا اُتے اوہناں فنکاراں دے خلاف اِک نفرت انگیز مہم چلائی جاندی اے۔