تہاڈی  چُپ سچ توں وی ودھ بولدی اے: عالیہ بھٹ ……٭رویل نیوز٭

لاہور (نیوز ڈیسک) بھارتی اداکارا عالیہ بھٹ نے سوشل میڈیا اُتے سیانیاں دی آکھیشیئر کر کے اپنے آپ اُتے ہون والی تنقید دا جواب دِتا اے۔ بھارتی اداکار سوشانت سنگھ دی خُد کشی دے بعد توں اوہناں دے مداحاں تے بھارتی فلم انڈسٹری نال ای تعلق رکھن والے کجھ فنکاراں ولوں بھٹ تے کپور فیملی نُوں اقربا پروری نُوں ودھان اُتے تنقید دا نشانا بنایا جا رہیا اے‘ مشہور تے معروف فلمی خاندان دے بچیاں ”سٹار کڈز“ اُتے وی چنگی تنقید جاری اے۔ ایسے تنقید توں بچن لئی سناکشی سنہا‘ سونم کپور‘ کرینہ کپور سنے کئی فنکاراں نے اپنے سوشل میڈیا اُتے کمٹس باکس بند کر دِتے نیں تے متعدد فنکاراں نُوں اپنے ہزارا فالوورزتوں ہتھ وی دھونا پیا اے۔ سوشنات سنگھ راجپوت دی خُد کشی دے بعد سبھ توں ودھ تنقید دا نشانا بنن والی عالیہ بھٹ نے اپنے انسٹا گرام اکاؤنٹ اُتے اِک تصویر تے سٹوری شیئر کیتی اے۔ عالیہ بھٹ نے لکھیا اے کہ ’ہر طوفان وچ اوہ پرسکون رہندے نیں‘ خاموشی تہاڈے خیال توں کدھرے ودھ بولدی اے۔