وڈی عید  توں پہلاں وڈی مہنگائی،سرکار بے بس وکھالی دے رہی اے……٭رویل نیوز٭

لاہور (نمایندا رویل) وڈی عید توں پہلاں مہنگائی د ا طوفان آ گیا‘ دُکانداراں نے ہرے مسالیاں دیاں قیمتاں وچ اندھا وادھا کر کے سرکاری بھاء دی بجائے من مرضی دے بھاء اُتے ویچ وٹک شروع کر دِتی۔ سرکاری بھاء وچ آلو نواں کچی چھلڑ درجا اول 78 رُپئے مقرر کیتی گئی پر دُکانداراں نے 85 رُپئے فی کلو تک ویچیا‘ آلو نواں کچی چھلڑ درجا دویم 72 رُپئے دی بجائے 75 رُپئے توں 78 رُپئے‘ گنڈھے درجا اول 35 دی بجائے 45 توں 50 رُپئے‘ ٹماٹر درجا اول 80 رُپئے دی بجائے 110 توں 120‘ ٹماٹر درجا دویم 74 دی بجائے 85 توں 90 رُپئے‘ تھوم دیسی 180 دی بجائے 240 توں 250‘ چاینا تھوم 160 دی بجائے 200 توں 210‘ چائنا ادرک 370 دی بجائے 450‘ کھیرا دیسی 52 دی بجائے 60‘ پاک 37 دی بجائے 43 توں 45‘ میتھی 93 دی بجائے 120 توں 130‘ بتاؤ 60 دی بجائے 75 توں 80‘ بند گوبھی 47 دی بجائے 55‘ پھُل گوبی 67 دی بجائے 80‘ ہری مرچ اول 104 دی بجائے 160 توں 170‘ شملا مرچ 73 دی بجائے 85 توں 90‘ گھیا کدو 80 دی بجائے 95‘ پھلیاں باریک 130 دی بجائے 150‘ ننبوں دیسی 90 دی بجائے 160‘ بھنڈی 88 دی بجائے 100‘ گونگلو 50 دی بجائے 60‘ اروی 93 دی بجائے 115توں 120‘ مٹر 203 دی بجائے 240 توں 250‘ ٹینڈے دیسی 83 دی بجائے 95 توں 100‘ گاجر چاینا 67 دی بجائے 75 رُپئے فی کلو تک ویچی گئی۔