شہباز شریف دی طبعیت خراب‘ ڈاکٹراں ولوں ارام دامشورا،اِک  مہینے تو ں اپوزیشن لیڈر شہباز شریف  اکلاپے وچ نیں ……٭رویل نیوز٭

لاہور (نمایندا رویل) پاکستان مسلم لیگ ن دے صدر تے قومی اسمبلی وچ اپوزیشن لیڈر میاں محمد شہباز شریف دی خراب ہو گئی جہدے بعد ڈاکٹراں نے اوہناں نُوں ارام دا مشورا دے دِتا۔ تفصیلات دے مطابق پچھلے 1 مہینے توں پاکستان مسلم لیگ ن دے صدر میاں محمد شہباز ریف نے اپنے آپ نُوں کلا کیتا ہویا اے‘ ایسے دوران سماجی رابطے دی ویب سایٹ ٹویٹر اُتے اپنے اِک بیان وچ اوہناں نے قوم نُوں اگاہ کیتا سی کہ میرا کرونا وایرس دا ٹیسٹ مثبت آ گیا جہدے بعد میں اپنے آپ نُوں گھر وچ کلا کر لیا اے‘ اوہناں کرونا نُوں شکست دے دِتی سی پر ہُن فیر اپوزیشن لیڈر دی طبیعت خراب ہو گئی اے جہدے بعد فوری طور اُتے ڈاکٹراں نے اوہناں دا معاینا کیتا اے تے اوہناں نُوں مکمل آرام دا مشورا دِتا اے۔