آئی سی سی ٹی 20 ورلڈ کپ تے ایشیا کپ /پاکستان کرکٹ بورڈ نے نویں حکمت عملی بنانا شروع کر دِتی…… ٭رویل نیوز٭

لاہور (نمایندا رویل) ٹی 20 ورلڈ کپ تے ایشیا کپ ملتوی ہون دے بعد پی سی بی نے وی پلاننگ تے رابطیاں دا اغاز کر دِتا اے۔ چیف ایگزیکٹو پی سی بی وسیم خان دا کہنا اے کہ ستمبر توں اکتوبر تک خالی ہون والی ونڈو توں فایدا چُکنا چاہندے آں۔ پچھوکڑ و چ کئی ملکاں نال گلبات چل رہی اے‘ پاکستان ٹیم دے کول ہُن واواہ ویلا ہووے گا‘ حالات وچ ہور بہتری دا انتظار اے‘ حالے فوری فیصلے دا ویلا نہیں پر کجھ نہ کجھ ضرور کراں گے۔ دوجے ملکاں وچ موجودا صورتحال وچ پاکستان ٹیم گھلن توں پہلے حالات دا جایزا لواں گے۔ فوری طور اُتے کسے لئی وی فیصلا کرنا سوکھا نہیں ہووے گا۔وسیم خان دے مطابق جنوبی افریقا وچ مختصر دورانیے دی سیریز کھیڈن لئی جان دا حالے کنفرم نہیں کَہ سکدے‘ اوتھوں دے حالات وی خراب نیں‘اوہناں نال کئی معاملات اُتے گلبات چل رہی اے‘ اگست دے آخر تک کسے فیصلے اُتے پہنچن دے قابل ہو جاواں گے۔