پیرا نارمل ایکسپرٹ دا سوشانت دی روح نال گل کرن دا دعوا،خُد کشی دے کارناں بارے وی سوال جواب ہوئے: سٹیو ہف  …… ٭رویل نیوز٭

ممبئی (نمایندا رویل) پیرا نارمل ایکسپرٹ ”سٹیو ہف“ نے دعوا کیتا اے کہ اوہناں نے خُد کشی کرن والے بھارتی اداکار سوشانت سنگھ دی روح نال گل کیتی اے۔ بھارتی میڈیا رپورٹاں مطابق مداحاں دے مسلسل پیغامات دے بعد سٹیو ہف نے اِک ویڈیو جاری کیتی اے جہدے وچ اوہناں نے واضح کہیا اے کہ اوہ سوشانت سنگھ نُوں نہیں جاندے سن پر اوہناں دے مداحاں دے بے حد اصرار اُتے اوناں نے سوشانت دی روح نال گل کیتی اے تے سوشانت توں اوہناں دی خُدکشی دی وجھاں دے بارے وچ وی سوال جواب کر لئے نیں۔ اسٹیو ہف نے ہور کہیا کہ اوہ اِک واری فیر سوشانت نال گلبات کرن گے۔ یاد رہوے کہ سٹیو ہف نُوں بطور پیرا نارمل ایکسپرٹ جانیا جاندا اے‘ اوہناں دے کول اِک مشین اے جہنوں اوہناں نے 10 سال پہلے بنایا سی۔ اوہناں دا دعوا اے کہ ایس مشین راہیں اوہ روح نال گل کر لیندے نیں جد کہ ا وہناں دی ایس مشین نوں یاں اوہناں دے دعوے نُوں اج تک کسے منظور شدا ادارے ولوں کوئی منظوری نہیں ملی اے۔