دپیکاپڈوکون دی اگلی فلم دا ہیرو کون ہووے گا؟  …… ٭رویل نیوز٭

لاہور (نمایندا رویل) بالی ووڈ دی معروف اداکارا دپیکا پڈوکون اپنی نویں فلم وچ ریکارڈ توڑ بزنس کرن والی فلم ”باہو بلی“ دے ہیرو پربھاس دے نال اداکاری کردے نظر آن گے۔ بھارتی میڈیا رپورٹا ں مطابق دپیکا پڈوکون اپنی نویں فلم وچ پربھاس دے مد مقابل مرکزی کردار اد اکرن گے پر حالے تک ایس نویں فلم دا ناں ساہمنے نہیں آیا اے۔ رپورٹ مطابق تیلگو‘ ہندی تے تامل زبان دا ایہ پراجیکٹ بالی ووڈ دے مرکزی دھارے وچ نہیں آندا پر ایس فلم نال تیلگو فلماں یاں ٹالی ووڈ دے بادشاہ پربھاس تے بالی ووڈ وچ اپنی کامیاب اداکاری راہیں ناں کمان والی دپیکا پڈوکون اکٹھے ہو رہے نیں۔ دپیکا نے اپنے سوشل میڈیا پیغام وچ آپ ای ہیش ٹیگ ’دپیکا پربھاس“ دا استعمال کیتا تے اپنے ایس پراجیکٹ دے بارے وچ مداحاں نُوں دَسیا۔