kraamaat@gmail.com
+ +92 333-430-6384


بھارت دا کشمیر اُتے قبضا بدترین ظلم اے،اکھاں بند کرن والے وی مجرم نیں: وینا ملک ……٭رویل نیوز٭


نمائندا رویل July 23, 2020


لاہور (نمایندا رویل) اداکارا وینا ملک نے کہیا اے کہ بھارت نے جس طرحاں کشمیر اُتے غاصبانا قبضا کر رکھیا اے‘ ایہ تواریخ دا بدترین ظلم اے‘ حیرت تے دُکھ دی گل اے کہ انسانی حقاں دیاں علمبردار تنظیماں ایہدے اُتے اکھاں بند کیتیاں ہوئیاں نیں جو مذمت جوگ اے۔ اِک انٹرویو وچ اوہناں نے کہیا کہ مغربی دنیا نال تعلق رکھن والے لوک تے تنظیماں جنوراں دے حقاں دی وی گل کردے نیں تے ایہدے لئی مہمات چلاندے نیں پر مقبوضا وادی وچ بھارت نے نہتے کشمیریاں نُوں کئی مہینیاں توں گھراں وچ قید کر رکھیا اے پر کوئی اواز چُکن والا نہیں۔ اوہناں نے کہیا کہ حکومت نُوں ایس سلسلے وچ اپنیاں سفارتی کوششاں وچ ہور تیزی لیانی چاہیدی اے تاں جے مقبوضا وادی وچ معمولات زندگی بحال ہو سکن۔