میرا مقابلا اپنے نال آں کہ میں پہلے چنگا اداکارا بن جاواں: احسن خان……٭رویل

لاہور (نمایندا رویل) نامور اداکار احسن خان نے کہیا اے کہ میں کدی کسے نال مقابلے بازی کیتی اے تے نہ کسے نُوں کاپی کرن دی کوشش کردا آں‘ میرا مقابلا اپنے نال اے تے میں پہلے آپ چنگا اداکار بن جاواں فیر ای کسے نال مقابلا کر سکدا آں۔ میڈیانال گلبات کردیاں ہویاں احسن خان نے کہیا کہ میرے جنے وی ہم عصر اداکار نیں سارے میرے توں چنگے نیں تے میں اوہناں توں سکھدا آں۔ اوہناں نے کہیا کہ خدا دی ذات نے مینوں گھٹ عمری وچ اوس مقام اُتے پہنچا دِتا اے جہدے لئی لوکاں نُوں مدتاں محنت کرنی پیندی اے۔ احسن خان نے کہیا کہ میں سٹیج‘ ٹی وی تے فلم دے نال بطور مجمان وی کم کیتا اے پر جہڑا مزا ٹی وی اُتے کم کرن دا آندا اے اوہ کسے ہور تھاں نہیں۔