کرونا قابو کرن پاروں دنیا وچ نیک نامی ہو رہی اے: شبلی فراز  ……٭رویل نیوز٭

اسلام آباد (نمایندا رویل) وفاقی وزیر اطلاعات و نشریات سینیٹر شبلی فراز نے کہیا اے کہ کرونا وایرس اُتے قابو پان اُتے پوری دنیا وچ ساڈی پذیرائی ہو رہی اے پر مخالفین وچ اینی شرم نہیں کہ حکومتی فیصلے نُوں سلاہندے‘ کیوں جے ساڈا ملک لاک ڈاؤن دا لمے عرصے تک متحمل نہیں ہو سکدا سی ایس لئی قیادت نے فیصلا کیتا کہ ملک دی معاشی صورتحال نُوں ویکھدیاں ہویاں لاک ڈاؤن نہ کیتا جاوے‘ مثبت کیسز پاکستان وچ ہُن سنگل ڈیجٹ وچ آ چکے نیں‘ اللہ دا شکر اے کہ محدود وسایل دے باوجود اسیں وباء نُوں کنٹرول کرن دی پوزیشن وچ آں‘ وڈی عید تے محرم دے دوران سختی نال ایس او پیز اُتے عمل کرنا پوے گا تاں جے ایس بیماری دے دوجے مرحلے توں بچیا جا سکے۔