پی آئی اے دا وڈی عید اُتے کرائے گھٹ کرن  دا اعلان……٭رویل نیوز٭

کراچی (نمایندا رویل) قومی ائر لاین پی آئی اے نے وڈی عید دے موقع اُتے کرایاں وچ کمی د اعلان کر دِتا اے۔ تفصیلات دے مطابق اسلام آباد توں کراچی اُڈاناں دا اِک پاسی کرایا 8 ہزار 652 رُپئے کر دِتا گیا جد کہ کراچی توں پشاور جان والیاں اُڈاناں دا کرایا 11 ہزار 714 رُپئے مقرر کر دِتا گیا اے۔ عید دے موقع اُتے مسافراں نُوں ریلیف فراہم کرن لئی پی آئی اے نے کراچی توں کوئٹہ جان والی اُڈان دا کرایا 11 ہزار 535 رُپئے کر دِتا۔ انتظامیا دا کہنا اے کہ کرایا وچ کمی 25 جولائی توں وڈی عید تک رہوے گی۔ قومی ائر لاین دے ذکر کیتے اقدام نال مسافراں نُوں کرائے دی ادائیگی وچ سہولت ملے گی تے شہری وڈی عید دے موقع اُتے اپنے پیاریاں نال ملن گھٹ کرایاں وچ اِک شہر توں دوجے شہر جا سکن گے۔