تعلیم،ساڈی حکومت دی پہلی ترجیح اے: چودھری سرور ……٭رویل نیوز٭

بہاولپور (نمایندا رویل) گورنر پنجاب چودھری محمد سرور نے کہیا اے کہ تعلیم حکومت دی پہلی ترجیح اے تے جنوبی پنجاب وچ فروغ تعلیم لئی بھرویں توجا دِتی جا رہی اے۔ گورنر پنجاب نے ایس گل دا اظہار انجینئر پروفیسر ڈاکٹر اطہر محبوب وائس چانسلر اسلامیا یونیورسٹی بہاولپور نال گورنر ہاؤس لاہور وچ اِک ملاقات دے دوران کیتا۔ گورنر پنجاب نے کہیا کہ جامعات وچ پڑھیار تے پڑھیارناں نُوں ساریاں سہولتاں دِتیاں ے اوہناں دے مسئلیاں نُوں ترجیحی بنیاداں اُتے حل کیتا۔ ایس موقع اُتے وائس چانسلر نے چانسلر نُوں جامعہ وچ جاری آن لاین تدریسی سرگرمیاں تے ترقیاتی منصوبیاں بارے اگاہ کیتا۔ اوہناں نے کہیا کہ 25000 توں ودھ پڑھیاراں دا تعلیمی سلسلا آن لاین ای پورٹل نال جاری رکھ کے قیمتی ویلے دے نقصان توں بچا لیا گیا۔