سرکاری ملازماں دے اجازت بغیر بیان دین اُتے پابندی،رول 1964 دے تحت کوئی سرکاری ملازم میڈیا پلیٹ فارم استعمال نہیں کر سکدا ……٭رویل نیوز٭

فیصل آباد (نمایندا رویل) پاکستان سرکار نے سرکاری ملازماں دے پرنٹ تے الیکٹرانک میڈیا اُتے بغیر اجازت بیان دین اُتے پابندی عاید کر دِتی۔ پاکستان سرکار کیبنٹ سیکرٹریٹ اسٹیبلشمنٹ ڈویژن دے جوائنٹ سیکرٹری سلمان مفتی ولوں جاری ہون والی چٹھی وچ سرکاری ملازماں نُوں کہیا گیا اے کہ رول 1964 دے تحت کوئی سرکاری ملازم میڈیا پلیٹ فارم استعمال نہیں کر سکدا تے صرف حکومتی اجازت دے تحت ای کسے وی سرکاری معاملات وچ میڈیا اُتے گلبا ت یاں بیان دین دا مجاز ہووے گا۔ وسیلیاں دا کہنا اے کہ کئی سرکاری ملازماں ولوں چینل‘ اخبارات دے نال نال سوشل میڈیا اُتے حکومتی معاملا ت اُتے بیان بازی ہو رہی سی جہنوں فوری طور اُتے روک دِتا گیا اے۔