آرٹسٹ آں کسے سیاسی جماعت نال تعلق نہیں: نسیم وکی ـــ٭رویل نیوز٭

لاہور (نمایندا رویل) معروف اداکار تے ہدایتکار نسیم وکی نے اِک ملاقات دے دوران دَسیا کہ میں اِک آرٹسٹ آں‘ میرا کسے سیاسی جماعت نال کوئی تعلق نہیں اے۔ نسیم وکی نے کہیا کہ کجھ لوکاں نے میرے ناں نال فیس بک تے ٹویٹر اکاؤنٹ بنا رکھے نیں جہناں توں اوہ حکومت خلاف بیانات شیئر کردے نیں جو کہ غط ہوندے نیں‘ میرا ایہناں بیاناں نال کوئی تعلق نہیں اے۔ نسیم وکی نے کہیا کہ آرٹسٹ صرف اپنے فن دی وجھا توں پچھانیا جاندا اے اوہنے پوری دنیا وچ اپنے ملک دی نمایندگی کرنی ہوندی اے کسے سیاسی جماعت دی نہیں کیوں جے سیاسی جماعت تے 5 سال بعد تبدیل ہو جاندی اے پر آرٹسٹ نے اپنی زندگی تک رہنا ہوندا اے۔ ایس واسطےاوہدی کسے وی سیاست جماعت نال وابستگی نہیں ہوندی۔