kraamaat@gmail.com
+ +92 333-430-6384
یحٰی شاہد
July 28, 2020
میں ہاں پاندھی
انبراں دی سیر دا
بدلاں دی خیر دا
پنڈاں تے شہراں دا
تپدیاں دُپہراں دا
میں ہاں پاندھی
میں ہاں پاندھی
واواں جہے ہانیاں دا
وگدے ہوئے پانیاں دا
گھپ چُپ نھیریاں دا
پُھٹدے سویریاں دا
میں ہاں پاندھی
میں ہاں پاندھی
سُچے جہے رنگلاں دا
جنگلاں چ منگلاں دا
دکھیاں دے دکھاں دا
سانجھیاں ککھاں دا
میں ہاں پاندھی
میں ہاں پاندھی
پنچھیاں دی سیر دا
بیلیاں دی خیر دا
سُچیاں تعبیراں دا
روشن ضمیراں دا
میں ہاں پاندھی
میں ہاں پاندھی
دُکھاں جہے قہراں دا
سُکھاں دیاں لہراں دا
نمھے نمھے ہاسیاں دا
مکھ تے مڑاسیاں دا
میں ہاں پاندھی
میں ہاں پاندھی
چن تے چکور دا
پیلاں پاندی ٹور دا
سکھاں کھلاریاں دا
پینگھ دے ہلاریاں دا
میں ہاں پاندھی
میں ہاں پاندھی
اکھوں کیرے ہنجواں دا
تیرے میرے ہنجواں دا
راتاں نوں جاگیاں دا
پیڑاں تے پراگیاں دا
میں ہاں پاندھی
میں ہاں پاندھی
سجناں دی اُڈیک دا
بُکلاں اچ چیک دا
سوچاں نوں برِیک دا
شعراں نوں اُلِیکدا
میں ہاں پاندھی
میں ہاں پاندھی
٭٭٭٭٭
