کرونا روکن لئی وزیراعظم دی پالیسی کامیاب رہی: وزیر اعلا پنجاب……٭رویل نیوز٭

لاہور (نمایندا رویل) و زیر اعلا پنجاب سردار عثمان بزدار نے کہیا اے کہ کرونا دا کھلار روکن لئی وزیراعظم عمران خان دی سمارٹ لاک ڈاؤن دی پالیسی کامیاب رہی اے تے اج دنیا وی وزیراعظم عمران خان دے اقدامات نُوں سراہ رہی اے۔ سمارٹ لاک ڈاؤن دے بہترین نتیجے ساہمنے آ رہے نیں تے ہسپتالاں وچ روگیاں دی گنتی وچ نمایاں کمی آئی اے۔ سمارٹ لاک ڈاؤن دی مخالفت کرن والیاں نُوں ہُن اپنے گلمے وچ جھاتی مارنی چاہیدی اے‘ بدقسمتی نال اپوزیشن جماعتاں نے کرونا ورگے قومی چیلنج اُتے ڈیڈھ اِٹ دی مسیت بنان دی ناکام کوشش کیتی۔ اوہناں نے کہیا کہ حکومت دے دور اندیش اقدامات دے کارن کرونا وباء دا کھلار گھٹ ہویا اے۔ وڈی عید اُتے وی ایس او پیز اُتے عملدرآمد یقینی بنانا پوے گا۔