بالی ووڈ وچ اِک وڈا گینگ میرے خلاف اے: اے آر رحمان……٭رویل نیوز٭

ممبئی (نیٹ نیوز) آسکر ایوارڈ یافتا موسیقار اے آر رحمان دا کہنا اے کہ بالی ووڈ وچ اِک وڈا گینگ اوہناں دے خلاف کم کر رہیا اے‘ ایسے وجھا توں اوہ بالی وچ گھٹ تے تامل فلماں وچ بُہتا کم کر رہے نیں۔ اے آر رحمان نے کہیا کہ اِک فلم دے ہدایتکار اوہناں دے کول آئے جہناں نُوں اوہناں نے 2 دن وچ 4 گانے بنا کے دِتے پر اوہناں نے دَسیا کہ کئی لوکاں نے اے آررحمان دے کول جان توں ہدایتکار نُوں منع کیتا سی جہدے بعد مینوں سمجھ آئی میرے خلاف بالی ووڈ وچ اِک گینگ کم کر رہیا اے۔ اے آر رحمان نے کہیا کہ پر میں ایس بارے بُہتا سوچدا نہیں کیوں جے میں قسمت اُتے بھروسا رکھدا آں‘ ہر شے خدا ولوں اے تے میں چنگیاں فلماں نُوں کدی وی نہ نہیں کردا آں۔