kraamaat@gmail.com
+ +92 333-430-6384
یحٰی شاہد
July 31, 2020
جاندا جاندا ای دس.... تے جا
ساتھوں ہوگئی بس...... تے جا
سجناں سُکھی وس... تے جا
شالا ڈھیر جوانیاں مانیں
یاد دے گھمن گھیرے ڈنگدے
سنجے چار چفیرے ڈنگدے
نالے گھپ انھیرے ڈنگدے
شالا ڈھیر جوانیاں مانیں
بلھیاں توں نیں ہاسے مُکے
سکھ نیں آسے پاسے مُکے
تیرے باجھ دلاسے مُکے
شالا ڈھیر جوانیاں مانیں
تیرے مُکھ دا رنگ نہیں بُھلیا
مینوں سانجھا سنگ نہیں بُھلیا
دو نیناں دی جنگ نہیں بُھلیا
شالا ڈھیر جوانیاں مانیں
یاداں بُوہے مَلّے ..... رہ گئے
تیرے باجھوں کلے رہ گئے
دُکھ شاہد دے وَلّے رہ گئے
شالا ڈھیر جوانیاں مانیں
٭٭٭٭٭
