کرونا وایرس نے ہور32بندیاں دی جان لے لئی ……٭رویل نیوز٭

اسلام آباد (نمایندا رویل) پاکستان وچ کرونا وایرس نال ہور 32 بندے چلانا کر گئے جد کہ 1114 نویں کیسز رپورٹ ہوئے نیں۔ پاکستان وچ کرونا نال مَوتاں دی مجموعی گنتی 5 ہزار 924 ہو گئی اے تے 2 لکھ 77 ہزار 402 بندے متاثر نیں جد کہ پورے ملک وچ کرونا دے 2 لکھ 46 ہزار 131 روگی صحت یاب ہو چکے نیں۔ نیشنل کمانڈ اینڈ اپریشن سنٹر ولوں جاری آنکڑیاں دے مطابق ایس ویلے پورے ملک وچ کرونا دے ایکٹیو کیسز دی گنتی 25 ہزار 347 اے۔ پچھلے 24 گھنٹیاں دے دوران 21 ہزار 628 کرونا ٹیسٹ کیتے گئے۔ پورے ملک وچ مجموعی طور اُتے کرونا دے 19 لکھ 31 ہزار 102 ٹیسٹ کیتے جا چکے نیں۔ سندھ وچ کرونا روگیاں دی گنتی 1 لکھ 20 ہزار 52 جد کہ پنجاب وچ 92 ہزار 655 اے۔ ایس توں وکھ 1 ہزار 943 روگی ہسپتالاں وچ داخل نیں۔ ملک وچ کرونا ٹیسٹنگ دی صلاحیت یومیا 60 ہزار توں ودھ گئی اے۔