چار پنج مہینیاں وچ وزیراعظم وڈے فیصلے کرن گے:فواد چودھری ……٭رویل نیوز٭

اسلام آباد (نمایندا رویل) وفاقی وزیر برائے سائنس اینڈ ٹیکنالوجی فواد چودھری نے کہیا اے کہ آن والے چار پنج مہینیاں وچ وزیراعظم وڈے فیصلے کرن گے‘ عمران خان دے سوا کسے ہور توں اصلاحات دی توقع نہیں رکھ سکدے‘ وززیراعظم نے اہم فیصلیاں توں پہلے ای عندیا دے دِتا سی‘ جدوں تک سارے ضلعیاں نُوں فنڈز جاری نہیں ہون گے‘ سندھ دے مسئلے حل نہیں ہون گے۔ اِک انٹرویو وچ فواد چودھری نے کہیا کہ استعفا دین والے دوہاں معاونین خصوصی اپنا مؤقف دے چکے نیں‘ تانیہ ایدروس دے این جی او بارے معاملا چل رہیا سی‘ اوہناں نے ایس وجھا توں استعفا دِتا۔ اوہناں نے کہیا کہ بھارت توں دوائیاں درآمد دے معاملے نال صحت توں ودھ فنانس ڈویژن دا تعلق اے‘ ڈاکٹر ظفر دا نہیں۔