سیاست طاقتور تے بے اختیار بندیاں وچکار  کھیڈاے،ساڈا تعلق ہمیشا انسانیت نال ہونا چاہیدا اے:  اداکارشان شاہد ……٭رویل نیوز٭

لاہور (نیوز ڈیسک) پاکستان فلم انڈسٹری دے معروف اداکار اشان شاہد نے سیاست نُوں اِک کھیڈ متھدیاں ہویاں کہیا اے کہ سیاست طاقتور تے بے اختیار بندیاں دے وچکار دا کھیڈ اے۔ کراچی وچ مون سون دیاں بارشاں کارن شہر دی ناقص صورتحال ویکھ کے جتھے شہری پریشان نیں تے اوتھے شوبز ستارے وی شہر دے ماڑے حالات ویکھ کے افسوس دا اظہار کردیاں ہویاں سوشل میڈیا اُتے اپنے پیغامات جاری کر رہے نیں۔ ایہناں وچ شان شاہد وی شامل نیں جہناں نے اپنے ٹویٹر اکاؤنٹ اُتے تصویراں شیئر کردیاں ہویاں لکھیا کہ ”سیاست اِک ایہو جہیا کھیڈ اے جہڑا طاقتور تے بے اختیار لوکاں دے وچکار کھیڈیا جاندا اے‘ ایس اوکھے ویلے ساریاں سیاسی جماعتاں نُوں کراچی دی لوکائی دے دُکھ نُوں محسوس کرنا چاہیدا اے تے کراچی دے مسئلیاں نُوں حل کرن لئی ایکے دے نال کم کرنا چاہیدا اے‘ ایہدے نال کوئی فرق نہیں پیندا کہ اسیں کہڑی سیاسی جماعت نال تعلق رکھدے آں پر ساڈا تعلق ہمیشا انسانیت نال ہونا چاہیدا اے۔