کرونا وجوں عید سادگی نال منانا ساڈا قومی فرض بن گیا اے:عثمان بزدار……٭رویل نیوز٭

لاہور (نمایندا رویل) وزیر اعلا پنجاب سردار عثمان بزدار نے وڈی عید دے موقع اُتے پاکستانی قوم نُوں مبارکباد دِتی اے۔ وزیراعلا عثمان بزدار نے اپنے پیغام وچ کہیا کہ کرونا دے کارن وڈی عید سادگی نال منانا ساڈا قومی فریضا اے۔ وزیراعظم عمران خان دی قیادت وچ انسداد کرونا دے اقدامات با آور ثابت ہو رہے نیں پر احتیاط دا دامن نہیں چھڈنا۔ عید اُتے ماسک ضرور پاؤ تے ہتھاں نُوں وار وار دھوو تے یاد رکھو ایہ صرف تہاڈا ای نہیں سگوں تہادے پیاریاں دی زندگی دا معاملا اے۔ اوہناں نے کہیا کہ اج اسیں کرونا کارن شہید ہون والیاں نُوں سلام پیش کردے آں۔ وڈی عید قربانی‘ ایثار تے خُشیاں ونڈن دا تہوار اے‘ اپنے دوالے سفید پوش بندیاں دی مدد کر کے اللہ تعالیٰ نُوں راضی کرو۔