زاہد حسن دی نظم/توتیا من موتیا

توتیا،من موتیا ____

توتیا من موتیا

میں آکھ رہی،میں ویکھ رہی

ہے دیس اساں دی ریت ایہی

سرمئیدے پھلاں اتے

لوکیں دے بلھاں اتے

نہ ساؤل رنگ رچیں

نہ سنگت گیتاں دی

ہے دیس میرے دی ریت ایہی

بالیں دیاں لوریاں اندر

بارھیں دیاں موریاں اندر

نہ برکھا ساون کائی

مورت من بھاون کائی

تو ں بھر اڈاری اڈ جا

نویں باگیں کر ٹھکانا توں

لیں لبھ نواں زمانا توں

ساکوں ویلا،وقت اے راس ایہی

توتیا من موتیا