kraamaat@gmail.com
+ +92 333-430-6384


مودی کشمیر وچ مسلماناں دے خون نال ہولی کھیڈ رہیا اے: امیر جماعت اسلامی پاکستان سینیٹر سراج الحق……٭رویل نیوز٭


نمائندا رویل August 01, 2020


لاہور (نمایندا رویل) امیر جماعت اسلامی پاکستان سینیٹر سراج الحق نے کہیا اے کہ مودی کشمیر وچ مسلماناں دے خون نال ہولی کھیڈ رہیا اے جد کہ انسانی حقاں دے ناں نہاد اداریاں وانگوں ساڈے حکمران وی سُتے ہوئے نیں۔ قوم نُوں کشمیر دی ازادی تے پاکستان دے اسلامی تشخص دی حفاظت لئی جاگنا پوے گا۔ جماعت اسلامی 4 اگست نُوں اسلام آباد وچ کشمیر دی ازادی لئی مشاورتی کانفرنس تے 5 اگست نُوں پورے ملک وچ کالا دیہاڑ منائے گی‘ مودی بابری مسجد دی تھاں تے ساڈے حکمران اسلام آباد وچ مندر اُسار رہے نیں‘ لگدا اے دوہاں دا ایجنڈا اِک اے۔ آیا صوفیہ مسجد دی 86 سال بعد بحالی اُتے ترک لوکائی تے پوری امت مسلما نُوں مبارکباد‘ ترک لوکائی ایس لئی وی مبارکباد دی مستحق اے کہ اوہناں نُوں مسجداں آباد کرن والے حکمران ملے۔ مغرب دے غلام حکمراناں توں کوئی توقع رکھنا اپنے آپ نُوں دھوکھا دین وانگوں اے۔ قوم نظام مصطفیؐ دے نفاذ لئی لک بنھ لوے تے سارے مسئلے حل ہو سکدے نیں۔ ایہناں خیالاں دا اظہار اوہناں نے جامع مسجدمنصورا وچ جمعے دے اجتماع نال خظاب کردیاں ہویاں کیتا۔