غریباں تے یتیماں نُوں عید دیاں خُشیاں وچ شامل کیتا جاوے:  اداکاراثناء……٭رویل نیوز٭

لاہور (نمایندا رویل) شوبز دیاں نامور شخصیات نے کہیا اے کہ وڈی عید سانوں ہر طرحاں دے حالات وچ قربانی دا درس دیندی اے‘ ایہ تہوار وکھالے دی بجائے اخلاق تے پرہیز کرندا تقاضا کردا اے تے صاحب ثروت لوک مستحق‘ غریباں تے یتیماں نُوں عید دیاں خُشیاں وچ شریک کرن۔ اداکارا ثناء‘ لیلیٰ‘ میرا‘ ریشم‘ شفقت‘ سائرہ نسیم‘ احسن خان‘ معمر رانا افضل خان‘ نسیم وکی تے مدیحہ شاہ نے اپنے بیان وچ کہیا کہ وڈی عید سانوں جذبا ایثار تے قربانی دا درس دیندی اے تے ایہ تہوار ایس امر دا تقاضا کردا اے کہ اسیں ایہدے اصل مقصد نُوں سمجھیے۔ شوبز شخصیات نے کہیا کہ جنور دی قربانی کرن دے بعد سانوں گوشت رشتے دراں تے قریبی جان پچھان والے لوکاں دے نال نال اوہناں مستحق تے غریباں تک وی پہنچان دی کوشش کرنی چاہیدی اے جہڑے قربانی دین دی استطاعت نہیں رکھدے تے ایہ اقدام قربانی دا اصل مقصد اے۔