kraamaat@gmail.com
+ +92 333-430-6384


سونیا مجید انٹرنیشنل پیس ایوارڈ لین والی پہلی پاکستانی گلوکارا……٭رویل نیوز٭


نمائندا رویل August 02, 2020


لاہور (نمایندا رویل) سونیا شیخ دبئی دا انٹرنیشنل پیس ایوارڈ حاصل کرن والی پہلی پاکستانی گلوکارا بن گئے۔ تفصیلات دے مطابق سونیا مجید اوہ پہلی پاکستانی گلوکارا نیں جہناں نے یو اے ای دا قومی ترانا آفیشلی گایا اے‘ اوہناں نے میوزک انڈسٹری راہیں پاکستان تے عرب امارات دے دوستانا تے سفارتی تعلقات نُوں ہور مستحکم بنان وچ اہم کردار ادا کیتا اے۔ سونیا مجید دا تعلق لاہور نال اے تے اوہ متحدا عرب امارات وچ فلاور گرل دا ٹائیٹل وی حاصل کر چکے نیں۔ اِک ملاقات دے دوران سونیا مجید نے دَسیا کہ اوہ نہ صرف میوزک ورلڈ سگوں پوری دنیا وچ پاکستان دی پچھان بنے نیں اوہ متحدا عرب امارات دی گلوبل ایمبیسیڈر بنن دے نال نال گلوبل پیس ایمبیسیڈر‘ گلوبل گڈول ایمبیسیڈر تے گلوبل وائس ایمبیسیڈر وی نیں۔