بالاں دی پرورش وچ ماپیاں دا سبھ توں وڈا ہتھ ہوندا اے لاپرواہی نال وگڑ جاندے نیں: اداکارا ندا یاسر ……٭رویل نیوز٭

لاہور (نمایندا رویل) اداکارا ندا یاسر نے کہیا اے کہ بچیاں دی پرورش وچ ماپیاں دا سبھ توں وڈا ہتھ ہوندا اے‘ جہڑا وی اپنیاں ذمے داریاں توں لاپرواہی اختیار کردا اے تے بچے اپنے اصل ٹریک توں لتھ جاندے نیں۔ اوہناں نے کہیا کہ ماں اپنے بالاں دی پرورش وچ بہت اہم کردار ادا کردی اے تے ایہ اوہدا فرض وی اے پر ایہدے نال پیو نُوں وی اپنے بچیاں دی تعلیم و تربیت اُتے بھرویں دلچسپی لینی چاہیدی اے۔ جدوں میاں بیوی رَل کے پرورش کردے نیں تے اوہناں وچ خُد اعتمادی آندی اے تے اوہ وڈے ہو کے معاشرے وچ اِک چنگے شہری دا کردار ادا کر سکدے نیں۔ ندا یاسر نے کہیا کہ ماپیاں نُوں اپنے بچیاں دی پرورش اُتے خصوصی توجا دین دے نال اوہناں نال دوستانا رویا وی رکھنا چاہیدا اے۔