پی سی بی نے انگلش ٹیم دے دورے دی آس لا لئی،انگلینڈ نے آون بارے فیصلا کرنا اے……٭رویل نیوز٭

لاہور (نیوز ڈیسک) پی سی بی نے 2022 وچ انگلش ٹیم دے جوابی دورے دی آس لا لئی۔ انگلینڈ وچ چھٹیاں لنگھان والے چیف ایگزیکٹو وسیم خان نے پی سی بی بورڈ کاسٹ وچ کہیا کہ قومی ٹیم دے حالیا دورا انگلینڈ دا فیصلا صرف پاکستان ای نہیں عالمی کرکٹ دے مفاد وچ کیتا گیا‘ انٹرنیشنل میچز دی بحالی سارے ملکاں لئی اہمیت دی حاملاے‘ سارے جاندے سن کہ جے ہور 6 مہینے کرکٹ نہ ہوئی تے بے پناہ مسئلے ہون گے‘ ساریاں حفاظتی تدبیراں دا خیال رکھدیاں ہویاں مقابلیاں دے انعقاد دا فیصلا کیتا گیا۔ اوہناں نے کہیا کہ انگلینڈ وچ ویسٹ انڈیز نے سیریز کھیڈی‘ ہُن پاکستان ٹیم وی ایکشن وچ نظر آن والی اے‘ حالے ایہناں گلاں دا ویلا نہیں سی کہ مطالبات کیتے جاندے‘ ای سی بی نال 2022 وچ دورے دے حوالے تو ں گلبات جاری رہوے گی‘ امید اے کہ اوہ مناسب ویلے اُتے درست فیصلا کرن گے۔