میرے اُتے ای تاحیات پابندی کیوں لائی    گئی؟ کوئی تے دَسے:: دانش کنیریا……٭رویل نیوز٭

کراچی (نیوز ڈیسک) انگلش کاؤنٹی کرکٹ وچ میچ فکسنگ دی وجھا توں تاحیات پابندی دا شکار ہون والے دانش کنیریا نے اِک واری فیر پی سی بی اُتے امتیازی سلوکد ا الزام لا دِتا۔ دانش کنیریا نے عمر اکمل دی سزا وچ کمی دے حوالے توں ٹویٹ کیتا کہ ”زیرو ٹالرینس پالیسی صرف دانش کنیریا لئی اے‘ دوجیاں لئی نہیں‘ کوئی مینوں ایس گ دا جواب دیوے گا کہ میرے اُتے ای کیوں تاحیات پابندی لائی گئی‘ دوجیاں دے نال انج کیوں نہیں کیتا گیا‘ کیہ ایہ پالیسی صرف نسل‘ رنگ تے پس منظر دی وجھا توں ہوندی اے‘ میں اِک ہندو آں تے مینوں اپنے پس منظر تے دھرم اُتے فخر اے‘۔ یاد رہوے کہ کنیریا اُتے تاحیات پابندی انگلش بورڈ نے لائی سی۔ پی سی بی چالو مہینے دے شروع وچ وی کنیریا نُوں مشورا دے چکیا کہ اوہ پابندی وچ کمی لئی انگلش بورڈ نال رجوع کرن۔