دو غزلاں ــ٭رویل٭

دو غزلاں ـــــــــــــــــــــــ٭رویل٭

محمد یونس

زندگی ھک جھمیلا اے

پانی دا ایہریلا اے

لوکی کردے میری میری

چار دناں دا میلا اے

متھے اکھیں رکھ لیندا اے

کِنّا وقت سو تیلا اے

سنگاں اتے چا کے سُٹڈا

بُھکھ دا داند مریلا اے

ایہ نہ منے دارو درمل

عشق بڑا نخریلا اے

ھک ھک ڈنگ ٹپایا یونسؔ

جوڑ کے دھیلا دھیلا اے

٭٭٭٭٭

غزل

اگانہاتے پٸی سی ٹٹانیاں توں ڈردی

انھیاں دے وس پٸی کانیاں توں ڈردی

دل دیاں گلاں ڈکے بُلھاں ہیٹھ چِتھ کے

ماں شوہدی اپنے نیانیاں توں ڈردی

کندھاں پیا بُھرناں تے چھتاں پیا چووناں

ایہو جیہاں کوٹھیاں پرانیاں توں ڈردی

ڈنگ نت ماردے نیں رسماں رواجاں دے

پگاں آلے وڈیاں سیانیاں توں ڈردی

ظالماں نوں یونس حق اپنے پٸی چھڈدی

ماٸی اے کچہری نالے تھانیاں توں ڈردی

*****