kraamaat@gmail.com
+ +92 333-430-6384


 کرونا وایرس نال دو کروڑ توں ودھ روگی،ست لکھ 34 ہزار موتاں  ہو چُکیاں ……٭رویل نیوز٭


نمائندا رویل August 11, 2020


اسلام آباد (نمایندا رویل) نہایت مہلک تے متعدی نویں کرونا وایرس دی عالمگیر وباء نال پوری دنیا وچ 2 کروڑ توں ودھ بندے متاثر ہو گئے نیں‘ دمں ا دے 213 ملکاں تے علاقیاں وچ پنجے گڈھن والی کووڈ 19 دی وباء نال 2 کروڑ 26 ہزار بندے متاثر ہو گئے نیں جد کہ وایرس نال ہون والیاں ہلاکتاں دی گنتی وی ودھ کے 7 لکھ 34 ہزار ہو گئی اے۔ کرونا وایرس انفیکشن توں ہُن تک پوری دنیا وچ 1 کروڑ 29 لکھ لوک صحت یاب ہو چکے نیں جد کہ 64 ہزار توں ودھ روگیاں دی حالت ماڑی اے‘ پوری دنیا وچ کرونا دے فعال کیساں دی گنتی 63 لکھ 90 ہزار 636 اے۔دوجے پاسے پاکستان وچ کرونا وایرس نال ہور 15 بندے واصل ہو گئے جد کہ پچھلے 24 گھنٹیاں دے دوران 539 نویں کیسز رپورٹ ہوئے نیں‘ کرونا نال مَوتاں دی مجموعی گنتی 6 ہزار 97 ہو گئی اے تے 2 لکھ 84 ہزار 660 بندے متاثر نیں جد کہ پورے ملک وچ کرونا دے ایکیٹیو کیساں دی گنتی 17 ہزار 7 سو 99 اے۔ ایس توں وکھ 2 لکھ 60 ہزار 764 روگیاں نے ایس خطرناک وایرس نُوں شکست دتی اے تے صحت یاب ہو چکے نیں۔