پنجاب دے سرکاری ہسپتالاں دے کلینیکل آڈٹ دا حکم،تِن وڈے ہسپتالاں دا آڈٹ کیتا جاوے گا ……٭رویل نیوز٭

لاہور (نمایندا رویل) وزیر صحت پنجاب ڈاکٹر یاسمین راشد نے پنجاب دے سرکاری ہسپتالاں دے کلینیکل آڈٹ دا حکم دے دِتا اے۔ صوبائی وزیر صحت نے ایہ حکم محکما سپیشلائز ہیلتھ اینڈ میڈیکل ایجوکیشن وچ اعلا سطحی اجلاس دی صدارت کردیاں ہویاں دِتا۔ صوبائی وزیر صحت نے اجلاس نال خطاب کردیاں ہویاں کہیا کہ پنجاب دے سرکاری ہسپتالاں وچ طبی سہولتاں دا معیار بہتر ہون نال روگیاں دی گنتی وچ بے انتہاء وادھا ہویا اے۔ پہلے مرحلے وچ لاہور دے 3 وڈے ہسپتالاں دا کلینیکل آڈٹ کیتا جاوے گا۔ لوکائی دا سرکاری ہسپتالاں وچ طبی سہولتاں بارے فیڈ بیک حالات ہور بہتر کرن وچ معاون ثابت ہووے گا‘ لوکائی لئی چنگیاں طبی سہولتاں دی فراہمی ساڈی پہلی ترجیح اے۔